Inge
Krokann
frå: images.google.no Krokann-statuen på
Oppdal
Inge Krokann vart fødd 19. august 1893 i Oppdal i Sør-Trøndelag,
og døydde 27. september 1962 i Gausdal i Oppland. Han vart 69 år. Krokann var
sjuk det meste av livet, og hadde på den bakgrunn eit uskjønleg så aktivt liv.
Alle bøkene hans er gjennomgådde tematisk, og namn og ord innan botanikk og
zoologi, i svært vid meining, noterte. Det tyder at mange ord som fell inn
under Plantedelar og -produkt, Habitat og Alkoholdrikke hos andre, også er med her. Og som den einaste har
Krokann fått registrert dyrelæte i bøkene. Han har mange spennande namn
frå Oppdal. Følgjande tema er dekte:
Botanisk tema: Florula
Krokanniana
Plantenamn, med mange plantedelar og habitat pluss
alkoholdrikke
Zoologiske tema: Fauna
Krokanniana
Dyrenamn
Fugle- og dyrelæte
Inge Krokann, kronologisk litteraturliste. Året for førsteutgåva står i parentes fremst, der ei
seinare utgåve vart nytta under registreringa; rekkefølgja av bøker i
namnelistene er som for førsteutgåvene. Dei seks bøkene i Dovresno-syklusen er
kursiverte. Det er 16 titlar (+ ein kassett).
Krokann, Inge (1929) 1944. I
Dovre‑sno. 225 s. + Innhald [2 s.] + Ordliste til romanane, s. 1‑8
[separat pag.]. Tredje opplaget, GNF
– (1931) 1943. Gjenom
fonna. Fyrste boka. 189 s. + Innhald [1 s.]. Andre opplaget, GNF
– (1931) 1944. Gjenom
fonna. Andre boka. 220 s. + Innhald [1 s.]. Andre opplaget, GNF. I same
bind som førre, separat pag.
– (1933) 1944. Olav Aukrust. 2. utgåva. – Norske
folkeskrifter 79: 1-100 + Attpåord [2 s.] + Innhald [1 s.]. Noregs boklag
– (1934) 1944. På
linfeksing. 220 s. + Innhald [1 s.]. Andre opplaget, GNF
– 1936.
Blodrøter. 359 s. GNF
– 1937. Då bøndene reiste seg. Ein av førarane:
Ingebrigt Sæter. 316 s. GNF
– (1941) 1944. Under
himmelteiknet. 312 s. + Innhald [1 s.]. Andre opplaget, GNF
– (1942) 1976. Det store hamskiftet i bondesamfunnet.
2. utgåva. 119 s. – Orion‑bøkene n. 183. Det norske samlaget. [+ Etterord
av T. Pryser, s. 120‑143]
– 1947a. Dikt. 183 s. GNF
– (red.) 1947b. Sullam lull. Sullar og songar for små og
store born. 55 s. J. W. Cappelens forlag
– 1949. Ut av skuggen. 260 s. GNF
– (1951) 1993. Oppdal – Bøgda mi. 16 s. Strindheim
trykkeris forlag, Trondheim.
– 1952. Gravlagt
av lynet. 203 s. + Innhald [2
s.]. GNF
– 1959. Hammarslaga. 230 s. GNF
– 1992. Inge Krokann 1893‑1993. Inge Krokann
syng og les. Ole Hermod Henriksen syng Krokann/Sparre Olsen, ved klaveret
Bjarne Sakshaug. – Kassett TPLMC 92055. Totenschlager a.s. lyd &
profilering, 2860 Hov
– 1993. [Dikt og
tekster] Av Inge Krokann. – s. 9-71
i Bjørkum, R.M. & Donali, I. (red.) Augo
ser så mangt. Av og om Inge Krokann.
Dølaringen boklag, Lillehammer
Inge Krokann har fått sin
eigen publikasjon om plantar og dyr i diktinga. Derfor blir ikkje materialet
lagt fram på denne nettsida slik som for dei andre fire. I eit fyldig bokhefte
blir plante- og dyrenamn i bøkene hans gjennomgådde, og sider ved namna grundig
handsama og kommentert. Det er eit særtrekk at han har mange lokale,
interessante namn både for plantar og dyr. Bokheftet er å få kjøpt, det kostar
200 kr og vil ved bestilling bli sendt i posten med opplysning om kontonummer
for betaling. Det kan bestillast på e-post eller ved brev til
Arne A. Frisvoll
Finnmyrvegen 22
7350 Buvika
Bibliografiske opplysningar
om boka:
Arne A. Frisvoll 2008. Plantar og dyr i Inge Krokanns Dovresno-bøker.
Med eit tillegg om dei andre bøkene. 120 s. (A-4 format). Eige forlag, Oppdal
2008.
Som tittelen lyder,
konsentrerer handsaminga seg om Dovresno-bøkene, som er ein historisk romanserie
på 6 bøker med hovudhandling frå Oppdal. Som det også står, er det eit tillegg
om dei andre bøkene, og alle namn i bøkene er med. Alle som har lese bøker av
Krokann, må ha denne boka. Det gjeld også utflytta oppdalingar, og dei mange
andre med kjennskap til den landskjende hytte- og alpinbygda.
Prøver frå publikasjonen er
lagt ut her. Framsidebildet viser statuen av Inge Krokann på Oppdal, mot
Allmannberget. Dette mektige bygdafjellet bruka han som eit mytisk symbol i
bøkene. Siste boka, Under himmelteiknet, endar med at Stingrim Lo stupar utover
brattfloga vi ser bak statuen, han rir på ein linfeksing og tek med seg ei
kvinne som skulle brennast som heks der oppe. Svært dramatisk. Inne i boka er
det fleire historiske bilde frå Oppdal.
Omslag,
utvendig og innvendig (pdf)
Innhaldslista viser nøye kva
boka omhandlar. Absolutt alle namn på plantar og dyr hos Krokann er med, og dei
fleste har fått ein - lang eller kort - kommentar. Eit større kapittel, som
ikkje har nokon parallell elles på denne nettsida, er kalla ”Frekvensen av
plante- og dyrenamn i Dovresno-bøkene”. Det vanlegaste dyret i bøkene er
hesten, sitat: ”Hesten står i ei særstilling; han er omtala godt over fire
gonger så ofte som dei nest vanlegaste dyra. ... Frå den dramatiske
Vollahelgja, tri korte setningar med fire hestnemne: ’Gamle skarrar, som ikkje
hadde vori på vollen i mange sumrar no, vart sette imot einannan. Og jalkar kom
i øsing og bar seg åt som verste gragampane. Sjølve skjutane hekk i mankane på
kvarandre og fór vollen rundt, på tvo og på fire.’ ”
Innhald og Føreord (pdf)
Andre prøver frå
publikasjonen, dei fleste utdrag, alle pdf:
Innleiing og forklaring
til oppsettet
Botanikk boklister, I Dovre-sno
Frekvensen av plante- og
dyrenamn i Dovresno-bøkene
Summen av sidetal for
zoologiske hovudnamn med undergrupper
Tillegg: Plante og dyrenamn i dei
andre Krokann-bøkene
Den som les Inge Krokann, og
særleg Dovresno-bøkene, møter ein stor forfattar og får mykje att.